Shkencëtarët australianë pohojnë se tashmë kanë zbuluar një vaksinë kundër koronavirusit, gjë që ishte paralajmëruar që në muajin janar, kur edhe shpërtheu ky virus në Wuhan të Kinës.
Tre shkencëtarë nga Universiteti i Queensland, në Brisbane, besojnë se ata kanë krijuar një vaksinë që mund të japë imunitet kundër COVID-19, shkruan Daily Mail,
Dr Keith Chappell, i cili ka përfunduar studimet e doktoraturës për stabilizimin e proteinave virale ka thënë se tashmë janë gati drejt vaksinës e cila mund të funksionojë tek njerëzit kundër virusit.
Ai thotë ka nisur të punojë drejt kësaj vaksinë në janar, bashkë me kolegët Paul Young dhe Trent Munro. Ekipi i tij eksperimentoi me 250 formulime të ndryshme dhe ata besojnë se vaksina do të mund të vihet në dispozicion deri në fund të vitit.
Dr Chappell shpjegoi se zhvillimi i injeksionit do të zgjaste një kohë të gjatë. “Marrja e një vaksine që është në dispozicion për shtatë miliardë njerëz në planet do të thotë … ne duhet të shkojmë gradualisht,” tha ai.
Vaksina S-Spike aktualisht po testohet në laborator në minj dhe mund të shihet se çfarë ndikimi do të ketë edhe tek njerëzit, deri në qershor, transmeton Periskopi.
Ai gjithashtu tha se shkencëtarët duhej të ishin të kujdesshëm në lidhje me çdo rrezik tregtar dhe se nuk pranuan të rrezikojnë sigurinë ose efikasitetin e vaksinës.
Vaksina u krijua duke rrëmbyer vetitë infektive të virusit me teknologjinë e sapo patentuar të ADN-së ‘pirzës molekulare’. Ekipi tha që hapi tjetër ishte të kuptonte se si të merrej ilaçi në prodhim, i cili mund të kushtojë midis 20 milionë deri 30 milion dollarë.
Tashmë janë zhvilluar bisedime me rregullatorët, siç është Administrata e Mallrave Terapeutike të qeverisë federale, me të cilën ekipi u takua të premten për të diskutuar planet e ardhshme.
Deri më tani 204 njerëz janë diagnostikuar me koronavirus në Australi, me tre viktima.
