Shoqata Farmaceutike e Kosovës ka pranuar shqetësime lidhur me ngritjen e çmimit të barnave.
Ato kanë ardhur si rezultat i rritjes së çmimeve nga ana e distributorëve, por edhe si rritjes së çmimit të lëndës së parë në vende të ndryshme të botës për shkak të gjendjes së krijuar me koronavirus, shkruan InLajmi.
“Kërkesa në rritje për këto produkte, shtynë në furnizimin e barnatoreve disa herë brenda ditës. Me këtë rast edhe çmimet e produkteve farmaceutike ndryshojnë në varësi të çmimit të furnizimit momental”, thuhet në komunikatë.
Shoqata Farmaceutike e Kosovës përkujton përgjegjësitë dhe obligimet e farmacistëve gjatë kësaj periudhe si furnizimi i mjaftueshëm me pajisje mjekësore (maska, dorëza, mjete të tjera dezinfektuese), informimi i drejtë dhe edukimi i qytetarëve mbi masat e parandalimit të përhapjes së infeksionit, si dhe konsultimet dhe referimet te mjeku kur është e nevojshme./InLajmi/
