Ish-kryeministri i Kosovës, Ramush Haradinaj ka thënë se Kosova ka përpara vetes mundësinë e unifikimit në dy tema, shkruan InLajmi.
Haradinaj përmes një postimi në profilin e tij në rrjetin social Facebook ka deklaruar se e para është ecja përpara me Amerikën apo pritja e Evropës.
Tutje, ai thotë se mundësi e dytë është taksa, për të cilën disa kërkojnë suspendim derisa disa heqje pa kushte.
Postimi i plotë i tij:
Ne kemi para nesh mundësinë e unifikimit të qëndrimeve në dy tema:
- Ecjen përpara me Amerikën apo pritjen për Evropën;
2. Taksën, për të cilën disa kërkojnë suspendim, disa heqje pa kushte, disa reciprocitet para apo pas heqjes.
Qëndrimi im dhe i AAK-së është se taksa duhet të mbahet deri në njohje në kufijtë ekzistues nga Serbia. Për të dalë nga situata që e dobëson pozicionin e Kosovës, nesër në ora 14:00, në hapësirat e Kuvendit të Kosovës, kam ftuar takimin e kryetarëve të partive parlamentare.
Uroj që të mos refuzohet bashkimi e përpjekja për unitet, në këtë moment vendimtar për vendin./InLajmi/