Me Kadri Veselin replikoi. Isa Mustafën e lëvdoi, ndërsa Albin Kurtin e demantoi.
Gjithë këtë komunikim me liderët kosovarë, i dërguari special nga Shtëpia e Bardhë për dialogun Kosovë-Serbi, Richard Grenell, e bëri përmes Twitter.
Ky interesim i amerikanit në këtë rrjet social, madje e shtoi aktivitetin edhe të politikanëve tjerë në Kosovë. Kryetari i PDK-së, edhe pse ka dy vjet që nuk e ka ndërruar foton e kopertinës, këtu poston çdoherë kur tema është për dialogun Prishtinë-Beograd.
E kryediplomati i ri kosovar, Glauk Konjufca, llogarinë e hapi vetëm pasi e mori detyrën e ministrit të jashtëm.
