Gjatë ditës së sotme u raportua se zëvendësministri i qeverisë Kurti, Xhelal Sveçla, u përfshie në një rrahje, në rrugën “Fehmi Agani” në Prishtinë, tek vendi që njihet si “Kafet e vogla”, ku po sulmohej një shitës ambulant.
Në një video, shihet që Sveçla goditet në kokë nga një person tjetër.Por nga Policia e Kosovës thonë se sulmuesi ishte i moshës 20 vjeçare, derisa shtuan se pas sulmit, disa persona kanë intervenuar duke u munduar ta ndalojnë sulmin, shkruan GazetaBlic.
Raporti i plotë:
Me datë 27.02.2020 në ora 15:54 min. Policia ka pranuar informacionin se ne rrugën “Fehmi Agani” te një lokal është një rrahje në progres, njesia policore ka dal menjëher në vend të ngjarjes , ku edhe kanë hasur në personin e dyshuar (viti i lindjes 2000), i cili dyshohet se ka sulmuar një person të moshes së re. Pas ketij sulmi disa persona/qytetarë të cilet kanë qenë afër lokacionit të incidentit kanë intervenuar që ta ndalojn këtë sulm. Raportohet se viktima është larguar nga vendi i ngjarjes dhe Policia është në proces te mbledhjes se të gjitha informacioneve relevante lidhur me kete rast. Pas raportimeve shtese do te njoftoheni per detajet tjera. Me respekt Daut Hoxha.
