Ardian Gjini nga radhët e AAK-së përmes nja statusi në rrjetin social Facebook ka reaguar në lidhje me vendimet e Kurtit për taksën.
“Qasja në thelb mashtruese dhe replika naive e sakatojnë Kosovën
Vetëvendosje dhe Albin Kurti, për pesëmbëdhjetë vite me radhë kanë propaganduar kundër ‘servilizmit’ të Kosovës në raport me bashkësinë ndërkombëtare.
Së pari vet përdorimi i fjalës servil në raport me miqtë e vërtetë të Kosovës është fyerje e rëndë që adresohet nga ana e Kosovës ndaj miqve. Së dyti, koncepti i servilizmit në marrëdhënie ndërkombëtare është paradoksal. Është i tillë për shkak se shtetet ndërtojnë aleanca dhe miqësi për arritjen e synimeve të tyre. Të gjitha vendet, edhe Amerika, vendi më i fuqishëm në glob, kërkon aleanca e miqësi për arritjen e qëllimeve të veta. E lëre më Kosova. Kosova duhet të bashkërendohet me shtetet mike për arritjen e qëllimeve të veta, përndryshe zor se do t’i arrijë. Albin Kurti e ka manipuluar popullin duke i quajtur të tjerët servil, duke aluduar në synimin e tyre për ta mbajtur pushtetin, duke u pajtuar për gati gjithçka me Amerikën dhe Evropën. Me qasjen ‘amelika, amelika’ Kurti ka shkaktuar dëme të mëdha, në percepcion dhe në ndjenjën e miqësisë. E ka mbjellur ndjenjën se bota nuk është se na do fort të mirën. Ndërsa tani filloi të na tregojë vet se sa e rëndësishme është miqësia me Amerikën”, ka shkruar ai.
Ky është shkrimi i plotë i Ardian Gjinit:
Qasja në thelb mashtruese dhe replika naive e sakatojnë Kosovën
Vetëvendosje dhe Albin Kurti, për pesëmbëdhjetë vite me rradhë kanë propaganduar kundër ‘servilizmit’ të Kosovës në raport me bashkësinë ndërkombëtare.
Së pari vet përdorimi i fjalës servil në raport me miqt e vërtetë të Kosovës është fyerje e rëndë që adresohet nga ana e Kosovës ndaj miqve. Së dyti, koncepti i servilizmit në marrëdhënie ndërkombëtare është paradoksal. Është i tillë për shkak se shtetet ndërtojnë aleanca dhe miqësi për arritjen e synimeve të tyre. Të gjitha vendet, edhe Amerika, vendi më i fuqishëm në glob, kërkon aleanca e miqësi për arritjen e qëllimeve të veta. E lëre më Kosova. Kosova duhet të bashkërendohet me shtetet mike për arritjen e qëllimeve të veta, përndryshe zor se do t’i arrijë. Albin Kurti e ka manipuluar popullin duke i quajtur të tjerët servil, duke aluduar në synimin e tyre për ta mbajtur pushtetin, duke u pajtuar për gati gjithçka me Amerikën dhe Europen. Me qasjen ‘amelika, amelika’ Kurti ka shkaktuar dëme të mëdha, në percepcion dhe në ndjenjen e miqësisë. E ka mbjellur ndjenjën se bota nuk është se na do fort të mirën. Ndërsa tani filloi të na tregojë vet se sa e rëndësishme është miqësia me Amerikën.
Së dyti, Albin Kurti, kryesisht tek një pjesë e rinisë, e ka mbjellur ndjenjën se është ai që ‘ia thyen hundët Serbisë’ (besa edhe bashkësisë ndërkombëtare) sepse nuk është as servil e as i korruptuar. Tani po del që ai ose nuk i ka pasur fare as dy fije mend se si funksionon bota, ose ka manipuluar me qëllim.
Duke menduar në mënyrë narcisoide, që di gjithçka dhe që mund të manipulojë gjithçka, Kurti i ka hyrë aventurës së manipulimit të trefishtë, ndaj popullit, ndaj bashkësisë ndërkombëtare dhe ndaj partnerit të koalicionit. Prej kësaj situate nuk dilet ashtu si ke hyrë.
Popullit i ka premtuar se ia thyen hundët Serbisë (dhe bashkësisë ndërkombëtare).
Amerikës i ka premtuar se e heq taksën.
Partnerin e koalicionit e ka subordinuar përmes Vjosa Osmanit ( me vullnetin e plotë të saj sigurisht)
Me këtë qasje, vetëm tri javë që nga ardhja në pushtet, Albin Kurti e ka humbur besimin e të gjithëve, edhe me qasje edhe me vepra.
Ai ka publikuar video nga një takim Chatham House vetëm e vetëm për tu dukur mirë vet.
Ai e ka vënë në siklet paktin NATO dhe partnerët tanë kryesorë për ta bërë Hashim Thaçin të duket keq, në katër vjetorin e zgjedhjes së tij. Po, po, që nga nëntori e ka ruajtur një kinse dokument sekret për ta publikuar në mënyrë spektakolare në një ditë simbolike. Vetëm sa për t’u dukur mirë vet, pa i marrur fare parasysh pasojat për vendin.
Kështu si ka filluar, nuk po shkruhet mirë as për të e as për Kosovën.
Tani hamë plazma.
/InLaimi/
