Për adhuruesit e vlerave të muzikës kombëtare, të servuara në një frymë tĕ re artistike, koncerti i mbrëmshëm në qytetin e traditave të kahershme kulturore në Prizren, ishte një sihariq, ose një natë që do tē mbahet mend një kohë të gjatë, shkruan InLajmi.
Njëmbëdhjetë muzikantë kosovarë nën titullin “New Born”, (ansambël i themeluar kah mesi i vitit të kakuar), që pikësynim kanë promovimin e muzikës kombëtare, në Kosovë dhe nëpër botë, në koncertin e mbrëmshëm që u organizua për nder të Ditës së Pavarësisë të Kosovës, të pranishmēve në sallë, u sollën ndjesi dhe emocione që vështirë mund të përshkruhen. Këngët tradicionale, ose perlat e muzikës shqiptare, si “Valsi i lumturisë”, “O moj bukuroshe”, “Lamtumirë”, “Dashnor tu bana”, “E kujtoj atë takim”, etj, të aranzhuar nga Edon Ramadani, dirigjent si dhe disa kompozime të huaja, ishin në repertorin e këtij ansambli, që u duartrokitën gjatë nga të pranishmit në sallën e Shtëpisë sē Kulturĕs “Xhemajli Berisha”, në Prizren.
Koncerti i mbrëmshēm i ansamblit “New Born”, u dirigjua nga Edon Ramadani, me sopranon Zana Abazi-Ramadani, Kaltrina Krasniqi (flaut), Shkumbin Bajraktari (klarinetë), Avni Krasniqi (trumbetë), Betim Krasniqi (trombon), Gëzim Latifi e Erlinda Gashi në violinë, Vjosa Hoxha-Ferati (violë), Arian Zherka (violonçel) dhe Shkodran Osmanaj (kontrabas). Kaptinë e veçant i këtij koncerti, ishte zëri i mrekullueshëm dhe i pastër i sopranos Zana Abazi-Ramadani, e cila gjatë interpretimit të çdo kënge, përcillej me emocione dhe duartrokitje frenetike nga publiku në sallë.
InLajmi mëson nga Prof. Mr. Kaltrina Krasniqi, iniciatore për themelimin e ansamblit “New Born” se të gjithë anëtarët të këtij ansambli, janë profesionistë të skenës muzikore kosovare, pedagog në Universitete dhe shkolla të muzikës, instrumentistë në Filarmoninë e Kosovës, dhe Orkestrës frymore të Forcave të Sigurisë së Kosovës. “Si solistë dhe me formacione të ndryshme, pothuajse të gjithë anëtarët e ansamblit, kemi performuar në shumë vende të botës si: Francë, Angli, Japoni, Amerikē, Itali, Turqi e të tjera. Ndërkaq, si ansambël “New Born”, kah fundi i vitit të kaluar, për herë të parë me shumë sukses kemi performuar nē Kroaci dhe më pas nē Mitrovicë. Mbrēmë në Prizren, ishte koncerti ynë i tretë, kurse gjatë këtij viti dhe në të ardhmēn planifikojmë që me muzikën e mirëfillt shqipe, por edhe të krijuesve të huaj, të prezantohemi në vende dhe kultura të tjera nëpër botë”. – na tha nē fund tē bisedës Prof. Mr. Kaltrina Krasniqi. Osman Goranci /InLajmi/
