Disenjatorja e modës Miuccia Prada e ka një aftësi për t’i zbuluar supermodelet e së ardhmes.
Disa nga figurat që dikur ishin të panjohura dhe arritën famë botërore në sfilatat e Prada-s, janë Arizona Muse, Lindsey Wixson dhe Karolina Kurkova, shkruan telegraph.co.uk.
Për sfilatën pranverë/verë 2020 në Javën e Modës në Milano ka qenë radha e modeles Sihana Shalaj.
Shalaj është një 22 vjeçare me origjinë nga Kosova që e kaloi një pjesë të fëmijërisë së saj të hershme në një kamp refugjates në Shqipëri pas përthimit të luftës në vitin 1998.
Ajo dhe familja e saj u kthyen në Prishtinë sapo përfundoi lufta, në mënyrë që babai i saj mjek të mund të rifillonte profesionin e tij.
Pavarësisht asaj se nuk ishte e pasur, Shalaj zhvilloi brenda vetes një dashuri për fotografinë dhe modën, transmeton Klan Kosova.
Falë pamjes së saj të pazakontë dhe stilit të veçantë, ajo nisi të paraqitet në skenat lokale të modës, për të kaluar më vonë edhe jashtë kufijve të Kosovës.
