Monumenti me i veçantë i vendosur në qendër të Prishtinës, i cili simbolizon Pavarësisë e Republikës së Kosovës, “NewBorn” si çdo vit tjetër do të marrë pamje ndryshe.
Këtë e ka bërë të ditur vet Fisnik Ismaili përmes një statusi të publikuar në Facebook, shkruan InLajmi.
“Kushtuar të gjitha viktimave te abuzimit seksual gjatë konflikteve anembanë botës”.
Dedicated to all the victims of sexual abuse during conflicts around the world”, ka shkruar Ismaili.
Postimi i plotë i Fisnik Ismailit në Facebook:
NEWBORN 12
Po bahen 21 vjet që neglizhohen, s’pranohen prej shoqërisë, përulen e nënçmohen, përderisa çështja e tyne shukatet. Konsiderohet si marre. Injorohet vazhdimisht fakti që mbi 15,000 janë përdhunue gjatë luftës, derisa ato kanë vazhdue me shumë mund me iu kthye jetës normale, me përbuzjen më të madhe që ua kemi dhanë ne, e që hala s’po bahemi zani i tyne sa duhet.
Tanë këto vjet, e në veçanti gjatë mandatit të fundit sa isha në Komisionin për të Drejtat e Njeriut dhe Barazinë Gjinore, ku kam rastisë me u takue me organizatat që mirren me çështjen e viktimave të abuzimeve seksuale gjatë luftës, mllefi e dhembja mu kanë mbledhë e mbledhë, posaçërisht kur e dijsha që as si deputet s’mujsha më shumë se aq sa kisha hapësirë, për me e ndihmue këtë çështje.
I çliruem prej politike, i kthyem në profesionin në të cilin zemrën e kam pasë përherë, në këtë vegëz është përshkrimi i dedikimit të NEWBORN 12 për kauzën e viktimave të përdhunueme gjatë luftës, jo veç në Kosovë, por krejt botën.
Të bahemi zani i tyne.
Never
Ending
Wars
Bring
Oppression,
Rape &
Neglect
(Luftërat e pafundme sjellin shtypje, përdhunime e shpërfillje)
Kushtuar të gjitha viktimave te abuzimit seksual gjatë konflikteve anembanë botës.
Me respekt të pafund për organizatat:
KRCT – Kosova Rehabilitation Centre for Torture Victims
Medica Gjakova
Medica Kosova
QPDG – Qendra për Promovimin e Drejtave të Grave
Drejtësi Për Të Gjithë
Dhe në veçanti grues më të guximshme, Vasfije Krasniqi Goodman.
Vasfije’s Initiative
❤️????
