Shkollat e komunës së Kamenicës nesër do të rifillojnë mësimin.
Drejtoria e Arsimit të Komunës së Kamenicës, ka bërë të ditur se të hënën do të rifillojë mësimi në të gjitha shkollat e kësaj komune.
Përmes një njoftimi, DKA e Kamenicës ka bërë të ditur se procesi mësimor ishte ndërprerë për shkak të reshjeve të mëdha të borës që kishin rënë javën e kaluar.
Njoftimi i plotë:
Kamenicë, 09 shkurt 2020
Nesër fillon procesi mësimor në të gjitha shkollat e Kamenicës
Drejtoria Komunale e Arsimit njofton prindërit dhe nxënësit se nesër (10 shkurt, e hënë) fillon procesi mësimor në të gjitha nivelet shkollore.
Mësimi ishte ndërprerë të ënjtën më 06 shkurt, si pasojë e reshjeve të mëdha të borës.
DKA falënderon prindërit dhe nxënësit për mirëkuptim. /InLajmi/