Kryeministri i Kosovës, Albin Kurti, ritheksoi se tarifa doganore 100% ndaj mallrave të Serbisë do të zëvendësohet me parimin e reciprocitetit.
Kurti tha se ky ndryshim do të ndodhë shumë shpejtë në bashkëpunim me Doganat e Kosovës.
“Tarifa 100% ndaj mallrave të Serbisë do të zëvendësohet me parimin e reciprocitetit. Tarifa 100% hiqet porsa të vendoset reciprociteti. Shumë shpejt fillojmë t’i përgatisim Doganat e Kosovës për këtë. Si Kryeministër i Republikës së Kosovës e kam shprehur vullnetin që ta heqim tarifën 100%. Pres që Serbia të deklarohet se ka vullnet për ndaljen e fushatës për çnjohjet e pavarësisë së Kosovës”.
Në lidhje me këtë temë juristi dhe analisti politik, Blerim Burjani, në një prononcim u shpreh që taksa nuk mund të jetë e përgjithshmë në të gjitha mallrat pra ka disa nga produktet që mund të ruajn prodhimtarin vendore dhe plasimin e produkteve vendore në tregun vendor.
“Nëse do të ketë reciprocitet Qeveria duhet të caktojë për cilat mallëra do të ketë reciprocitet, pra duhet të ketë qartë Serbia se cilat,mallera i nënshtrohen taksat e cilat jo.
Pra nuk ka taksë të përgjithshme në kuptimin e politikave tregtare, por ka disa nga produktet që mund të ruajn prodhimtarin vendore dhe plasimin e produkteve vendore në tregun vendor, shkruan Bota Sot.
Ka shumë paqartësi në këtë çështje për shkak të kapacitetëve të ulëta të kuptimit të politikave tregtare”, përfundon Burjani.
