Kryesia e LDK’së ka miratuar edhe listën me gjashtë ministrat e kësaj partie që do të jenë pjesë e qeverisë Kurti. Por ajo që ndoshta nuk e ka pritur askush, është emërimi i Agim Veliut për ministër të Brendshëm, edhe për faktin se ai është kryetar aktual i Komunës së Podujevës.
Ardhja e Veliut në Qeveri si ministër, nënkupton zgjedhje për kryetar komune në Podujevë. Veliu në Podujevë ka qenë i pathyeshëm në çdo garë.
Kjo komunë konsiderohet ende bastion i LDK-së.
Siç meson Reporteri.net, ish kandidati për deputet, Ekrem Hyseni është duke u diskutuar si kandidat i mundshëm nga radhët e LDK-së.
Ai është onkolog me profesion. Gjithsesi, kjo mbetet të vendoset në ditët në vijim, nëse Veliu mbetet apo jo minister, por Hyseni është diskutuar si më i preferuari. Prej momentit që Podujeva do të mbetej pa kryetar, zgjedhjet do të duhej të mbaheshin pas 45 ditëve.
