Boshnjakja nga Podgorica e Malit të Zi, Esma Muratoviq, ka bërë jehonë në emër të Kosovës në Spanjë! Mediat në Spanjë, posaçërisht “lanzarotedeportiva” ka shkruar se Esma Muratoviq u zgjodh lojtarja më e mirë e Kosovës për vitin 2019.
“Lojtarja e San Jose Obrero nuk ka pasur mundësi të marrë pjesë në ceremoni. Federata e Hendbollit e Kosovës i dha të enjten e kaluar çmimin e hendbollistes më të mirë të vitit 2019, një ngjarje që u zhvillua në “Sheshin 21” në Prishtinë.
Në këtë ngjarje, viti 2019 u vlerësua si një vit historik për hendbollin e Kosovës. Nikoqiri i ceremonisë, presidenti Eurgen Saraçini përshëndeti të pranishmit, përfaqësuesin e Qeverisë së Kosovës, Erolld Belegu, presidentin e KOK, Besim Hasani, drejtues të tjerë të KOK-ut dhe federatat sportive që ishin aty.
Një nga ngjarjet më të duartrokitura ishte kur u kujtua pjesëmarrja e ekipit kosovar në Kampionatin Botëror për junior në Spanjë, duke qenë hera e parë që ky vend u kualifikua.
