Drejtori i Përgjithshëm i Shërbimit Korrektues të Kosovës, Nehat Thaçi është takuar me zv.drejtorin e Përgjithshëm të Burgjeve të Republikës së Shqipërisë, Fehmi Sufaj, të cilët kanë diskutuar rreth punëve dhe sfidave që ballafaqohen të dyja institucionet, shkruan InLajmi.
Në këtë takim, drejtori Thaçi dhe zv.drejtori Sufaj kanë shkëmbyer përvojat e deri tanishme, në veçanti eksperiencën e SHKK-së mbi shumë fusha, si atë të trajtimit të burgosurve të dënuar për vepra penale terroriste, koordinimit dhe shërbimit të kontorllit të brendshëm, avancimit të njësive ekonomike, trajnimit të stafit.
Drejtori i SHKK-së, Thaçi dhe Zëvendësdrejtori i Përgjithshëm i Burgjeve të Republikës së Shqipërisë, Sufaj gjatë këtij takimi, u dakorduan për ta vazhduar bashkëpunimin mes këtyre dy institucioneve duke shprehur gatishmërinë për këmbimin e praktikave sa më të mira mes Kosovës dhe Shqipërisë në çështjet, të cilat janë në interes reciprok, e që lidhen me të burgosurit./InLajmi/
