Ish presidentja e Kosovës, Atifete Jahjaga falënderon OSBE-në për kontributin në barazi gjinore e cila tha se është shumë mirënjohëse që ishte pjesë e punëtorisë për barazi gjinore kjo e cila është organizuar nga OSBE-ja.
Jahjaga ka theksuar rëndësinë e bashkëpunimit mes institucioneve, organizatave, shoqërisë e sidomos mes grave për të arritur qëllimin tonë të përbashkët, një shoqëri të barabartë për të gjithë.
Postimi i plotë i Atifete Jahjagës:
Kisha kënaqësinë që të jem pjesë e punëtorisë për barazi gjinore, të organizuar nga OSBE.
Në mesin e këtij grupi, shumë të vendosur që të bëjë ndryshim në fuqizimin e gruas dhe ngritjen e barazisë gjinore, shpalosa përvojën time gjatë karrierës, sfidat gjinore të cilat i kam tejkaluar dhe theksova rëndësinë e bashkëpunimit mes institucioneve, organizatave, shoqërisë e sidomos mes grave për të arritur qëllimin tonë të përbashkët, një shoqëri të barabartë për të gjithë. /InLajmi/
