Kryeministri në detyrë, Ramush Haradinaj pas mbledhjes së Qeverisë, ka folur në një konferencë për media.
Ai ka folur lidhur me mundësinë për një koalicion me Lëvizjen Vetëvendosje, ka thënë se nuk kanë asnjë lloj komunikimi me ata, shkruan InLajmi.
Haradinaj po ashtu ka thënë se e ka ende të njëjtin mendim për Kurtin i cili e kishte quajtur mashtrues këtë të fundin, pasi sipas tij qasja e Kurtit është e tillë.
“Nuk kemi komunikim me Vetëvendosjen e as z.Kurtin për bashkëqeverisje.
Unë e kam deklaruar se projekti që paraqet z.Kurti është mashtrim edhe vet z.Kurti e kam quajtur mashtrues sepse bindja ime ka qenë se qasja e tij ndaj temave dhe realitetit të jetës nuk përputhet dhe nuk qëndron ashtu, por qytetari ka vendosur dhe ne jemi opozitë por nuk kemi pasur kujt ti bëjmë opozitë, pasi që nuk kemi ende qeveri”, ka thënë Haradinaj./InLajmi/
