Ambasadorja e Finlandës në Kosovë, Pia Stjemvall, ka zhvilluar takim me parinë e Lidhjes Demokratike të Kosovës.
Ajo është parë në selinë qendrore të LDK-së, në Prishtinë.
Stjamvall tha se takimi me zyrtarët e LDK-së ishte i frytshëm.
Diplomatja finlandeze, në një prononcim për Klan Kosovën tha se takimi me zyrtarët e LDK-së, u bë në frymën e shqyrtimit të situatës aktuale në të cilën ndodhet Kosova ku negociatat me LVV-në kanë ngecur duke pamundësuar formimin e institucioneve, njofton Klan Kosova.
Përfundimisht, ajo tha se porosia kryesore e këtij takimi me strukturat e LDK-së, është se ka shpresë për arritjen e një marrëveshjeje me LVV-në për një koalicion bashkëqeverisës.
