Kryeministri në detyrë i Kosovës, Ramush Haradinaj është takuar sot me shefen e BE-së në Kosovë, Natalyia Apostolova.
Përmes një postimi në profilin e tij Facebook, Haradinaj ka bërë të ditur se temë diskutimi kanë qenë zhvillimet e fundit politike në Kososvë, shkruan InLajmi.
Postimi i plotë i tij:
Prita sot në takim shefen e zyres së BE-së në Kosovë, Nataliya Apostolova me të cilën biseduam për zhvillimet e fundit politike në vend dhe vazhdimin e partneritetit në projektet e përbashkëta.
Theksova se institucionet e vendit janë të përkushtuara për të vazhduar obligimet kontraktuale sipas MSA-së, në të gjitha etapat tona të funksionimit dhe se Kosova ka përfunduar të gjitha kriteret për liberalizimin e vizave, fakt ky që i mbetet BE-së të vendos në të drejtën tonë për lëvizjen e lirë të qytetarëve tanë!./InLajmi
