Ka filluar mbledhja e Kryesisë së Lidhjes Demokratike të Kosovës.
Kryetari i kësaj partie, Isa Mustafa pak para mbledhjes ka thënë se tema e diskutimit në mbledhje do të jenë bisedimet me Lëvizjen Vetëvendosje drejt arritjes së një koalicioni për bashkëqeverisje, shkruan InLajmi.
LDK e LVV tash e tre muaj janë duke u përpjekur për të arritur një koalicion për bashkëqeverisje, supozohet se kjo vonesë po ndodh për shkak te ndarjet e posteve, konkretisht te zgjedhja e presidentit.
Së fundmi, kryetari i LVV-së, Albin Kurti ka kërkuar që LDK-ja të kthehet në tryezën e bisedimeve për të gjetur alternativa për të arritur marrëveshjen për koalicion./InLajmi/
