Kryetari i Partisë Demokratike të Kosovës, Kadri Veseli përmes një postimi në Facebook ka përkujtuar Ibrahim Rugovën i cili ka thënë se emri i tij lidhet me pluralizmin politik, pro-amerikanizmin dhe përpjekjen sublime për liri dhe pavarësi të vendit, shkruan InLajmi.
Ai ka thënë se Presidenti Rugova ka qenë bashkëudhëtar protagonist në bërjen e shtetit të Kosovës.
Postimi i plotë:
Emri i Ibrahim Rugovës lidhet me pluralizmin politik, pro-amerikanizmin dhe përpjekjen sublime për liri dhe pavarësi të Kosovës. Vlera këto që na duhen edhe sot. Presidenti Rugova ishte bashkëudhëtar protagonist në bërjen e shtetit të Kosovës si dhe në ndërtimin e institucioneve demokratike që garantojnë lirinë, barazinë në mundësi dhe drejtesinë për çdo qytetar./InLajmi/
