Kryetari i Kuvendit të Kosovës, Glauk Konjufca ka pritur sot në takim ambasadoren e Kroacisë në Kosovë, Danijela Barisic.
Në këtë takim thuhet se u bisedua për zhvillimet në vend e në rajon, si dhe bashkepunimin midis dy shteteve e mundësitë e zgjerimit të mëtejmë të tij, shkruan InLajmi.
Konjufca në këtë takim ka vlerësuar marrëdhëniet politike e diplomatike midis Kosovës e Kroacisë, duke konsideruar se ka ende hapësira për rritjen dhe zgjerimin e këtij bahspunimi në fusha të ndryshme.
“Kreu i Kuvendit e konsideroi të rëndësishme përvojën parlamentare kroate dhe sidomos atë të integrimit evropian, të cilat, siç tha ai, mund t’i shërbejnë Kosovës si model në procesin e integrimit euro-atlantik dhe forcimin e mëtejmë të demokracisë parlamentare.
Konjufca theksoi nevojën që Kroacia të vazhdojë të jetë përkrahëse e Kosovës në institucioneve ndërkombëtare, në të cilat vendi ynë aspiron të anëtarësohet”, thuhet tutje në njoftim.
Ndërkaq, amabasadorja kroate uori Konjufcën për detyrën e re, e cila kishte shprehur gatishëmrinë e shtetit të saj për t’i ofruar Kosovës përvojën në rrugën e integrimit, duek garantuar gjithashtu mbështetjen e Zagrebit zyrtar për Prishtinën në të gjtha mekanizmat relevante ndërkombëtare, e cila po ashut e informoi Konjufcën për përparësitë e presidencës së Këshillit të BE-së nga Koracia.
“Nën moton ‘Një Evropë e fortë në një botë sfiduese’, Kroacia do të trajtojë katër përparësi: një Evropë në zhvillim, një Evropë që lidh, një Evropë që mbron dhe një Evropë me ndikim”, tha Barišić.
Diplomatja kroate theksoi se Kroacia do të organizojë një samit të vendeve anëtare të BE-së dhe Ballkanit Perëndimor në Zagreb në maj të këtij viti dhe shprehu besimin se samiti do të ishte një shtysë për vazhdimin e procesit të zgjerimit dhe perspektivën evropiane të vendeve të Ballkanit Perëndimor”, thuhet në fund./InLajmi/
