Abdixhiku, në “Debat Plus”, ka thënë se oferta e LVV-së paraqet problem në tri pikat.
“LDK as nuk ka kërkuar, as nuk ka pranuar e as nuk do të pranojë shtim të numrit të ministrive”.
Ai thotë se ata kanë dashur të japin shembull për zvogëlimin e ministrive dhe se sipas tij po të donin ministri do t’i mbanin 21 sosh dhe do të kishin pushtet të bollshëm.
Deputeti i LDK-së ka thënë se LDK nuk është dakord as me ndarjen e Ministrisë së Kulturës, Rinisë dhe Sportit në dikastere të ndryshme por që e njëjta t’i kalojë Ministrisë së Arsimit.
Abdixhiku thotë se propozimi për shtim të ministrive ka dëmtuar imazhin e palëve dhe sipas tij kjo për faj të LDK-së.
Deputeti i LDK-së thotë se kjo parti kishte bërë ofertë që nëse LVV-së i duken shumë kërkesat e LDK-së janë të gatshëm të votojnë edhe qeverinë pas asnjë kompensim. Ai thotë se edhe votimi i Glauk Konjufcës ishte në këtë linjë, shkruan lajmi.net.
Abdixiku thotë se për momentin VV-ja nuk e pranon vetëm kohëzgjatjen e kryaparlamentarit që do të vinte nga LDK-ja.