Nënkryetari i Kuvendit të Kosovës, Sllavko Simiq kishte sulmuar gjatë ditës së djeshme gazetaren dhe kameramanin e portalit arbresh.info.
Për këtë sulm ka reaguar Asociacioni i Gazetarëve të Kosovës të cilët e kanë dënuar ku kanë thënë se në ngjarjen për të cilën kanë shkuar për të raportuar nuk është lejuar nga Simiq, derisa mediat serbe po, shkruan InLajmi.
Gazetarja në fjalë kishte insistuar për të hyrë në takimin e dytë ajo është sulmuar nga personeli i Simiqit, duke e goditur atë me bërryl në gjoks dhe duke i mbyllur derën asaj dhe kameramanit.
AGK tutje ka shkruar se pas përfundimit të dy takimeve Simiq nuk ka pranuar të deklarohet, pavarësisht këtyre pengesave, ai përmes mesazheve i ka mohuar portalit se personi që ka larguar gazetaren, është pjesë e stafit të tij.
“Nuk ishte stafi im. Gazetarët tuaj janë gjithmonë të respektuar. Më vjen keq për të gjitha këto keqkuptime. Shihemi në Prishtinë, dhe faleminderit për mirëkuptim”, është shprehur Simiq në formë të shkruar, pas gjithë këtyre telasheve në lidhje me raportimin nga këto vizita.
AGK i dënon fuqishëm këto akte të personelit të Simiqit dhe kërkojmë nga ata distancimin e menjëhershëm dhe të pa pranueshëm nga këto veprime. Zyrtarët shtetëror duhet të jenë transparent në punën e tyre dhe të ndihmojnë të gjithë gazetarët në raportim të drejtë dhe të paanshëm“, shkruan AGK./InLajmi/
