Kërcënimi që i është bërë prokurores speciale, Drita Hajdari, ka reaguar deputetja nga radhët e Lëvizjes Vetëvendosje, Albulena Haxhiu, shkruan InLajmi.
Ajo kërcënimet ndaj përfaqsuesve të institucioneve të drejtësisë i ka quajtur të papranueshme dhe se duhet të dënohen.
“Ata që tentojnë që përmes veprimeve të paligjshme të pengojnë prokurorinë, duhet të dalin para drejtësisë dhe të dënohen sipas ligjit prandaj edhe i ftojmë institucionet që sa më parë të veprojnë në këtë drejtim.
Në anën tjetër, kritika ndaj punës së institucioneve të drejtësisë, duhet të shihet si vlerë për të shtuar punën dhe veprimet në ndjekje e dënim të kriminelëve”, ka shkruar Haxhiu ne Facebook./InLajmi/