Të dielën mbrëma ka ndodhur një aksident trafiku me fatalitet në rrugën Tupec-Landovicë, rrugë lokale, e cila lidhet me rrugën Landovicë-Prizren.
Për pasojë të këtij aksidenti lëndime të rënda kanë pësuar shoferi dhe pasagjeri. Njësitë e emergjencës pas daljes në vendin e ngjarjes kanë konstatuar vdekjen e pasagjerit në vendngjarje.
Viktima është Leotrim Çoqaj, i lindur në vitin 2000.
Në vendin e ngjarjes kanë dalë njësitet e specializuara të hetimeve rajonale të trafikut dhe me njoftimin dhe autorizimin e prokurorit trupi i pajetë është dërguar në IML për obduksion, transmeton IndeksOnline.
Me vendim të prokurorit, i dyshuari, shoferi është ndaluar në mbajtje për 48 orë.
