Nënkryetarja e Kuvendit të Kosovës, Arbërie Nagavci ka reaguar pas vendimit të Gjykatës për rastin “Pronto”, duke thënë se kjo e dëshmon edhe njëherë se shteti i Kosovës është i kapur, shkruan InLajmi.
Nagavci ka shkruar në profilin e saj në Facebook se institucionet më të rëndësishme të vendit janë vënë në shërbim të një grushti kriminelësh e abuzuesish.
Ajo ka kërkuar që sa më shpejtë të formohet qeveria e re.
“Andaj sot, më shumë se asnjëherë më parë është koha që besimin që na e dhanë qytetarët për themelimin e Qeverisë së re, ta kthejmë në veprim e punë për çkapje të institucioneve, për rend e ligj. Shteti i së drejtës në luftë kundër krimit të organizuar ishte premtim i joni elektoral dhe është angazhim deri në jetësim. Kemi obligim që të ideojmë dhe zbatojmë procesin e përgjithshëm të vettingut për prokurorinë, gjykatat, drejtuesit e lartë të Policisë dhe Agjencisë për Inteligjencë të Kosovës si dhe hartimin e zbatimin e Ligjit Antimafia, ku barra e provës për pasurinë e pajustifikueshme bie mbi zyrtarin e personin e hetuar”, ka shkruar Nagavci.
Postimi i plotë:
Aktgjykimi i sotëm për rastin “Pronto” me të cilin të akuzuarit e aferës janë liruar nga akuzat, e dëshmon dhe një herë atë që tashmë e dimë të gjithë, se shteti është i kapur, se institucionet më të rëndësishme të vendit janë në shërbim të një grushti kriminelësh e abuzuesish.
Andaj sot, më shumë se asnjëherë më parë është koha që besimin që na e dhanë qytetarët për themelimin e Qeverisë së re, ta kthejmë në veprim e punë për çkapje të institucioneve, për rend e ligj.
Shteti i së drejtës në luftë kundër krimit të organizuar ishte premtim i joni elektoral dhe është angazhim deri në jetësim. Kemi obligim që të ideojmë dhe zbatojmë procesin e përgjithshëm të vettingut për prokurorinë, gjykatat, drejtuesit e lartë të Policisë dhe Agjencisë për Inteligjencë të Kosovës si dhe hartimin e zbatimin e Ligjit Antimafia, ku barra e provës për pasurinë e pajustifikueshme bie mbi zyrtarin e personin e hetuar.
Kalkulimet partiake duhet të jenë të parëndësishme përballë nevojës për një të ardhme ndryshe, përballë përgjegjësisë për vendin që na e dhanë qytetarët.
Sot prioritet duhet të jetë formimi i Qeverisë së Re, të gjitha ate që besojmë se kanë të njejtin synim duhet të gjejnë rrugën për të ecur bashkë përpara. /InLajmi
