Përbërësit:
500 gr kërpudha
400 gr makarona
3 lugë vaj ulliri
2 thelpinj hudhër
Trumzë
Kripë
Piper i zi
½ tufë majdanoz
100 gr djathë i shkrirë
Përgaditja:
Fillimisht vendosim tenxheren në zjarr me ujë me kripë dhe ziejmë makaronat sipas minutazhit të përcaktuar në etiketë.
Vendosim tiganin në zjarr me 3 lugë vaj ulliri, shtojmë në të kërpudhat e pastruara dhe të prera në feta (nëse do të përdorim kërpudha të thata i vendosim ato në ujë të vakët për 10 minuta). I kavërdisim mirë kërpudhat dhe më pas shtojmë hudhrat e copëtuara në feta, trumzën, kripën dhe piperin e zi. Pasi kërpudhat të jenë gatuar plotësisht i vendosim në mikser duke shtuar majdanozin dhe pak lëkure limoni. I kthejmë kërpudhat në salcë duke shtuar në fund dhe kremin e djathit. Servirim makaronat duke vendosur në çdo pjatë salcën e kërpudhave.
