Deputeti i zgjedhur i Vetëvendosjes, Fitim Uka, në shenjë mbështetje dhe solidarizimi më komunitetin e Down Syndrome Kosova dhe Autizmi Flet, të kaloj natën në tendat e vendosura nga ky grup në qendër të Prishtinës, shkruan InLajmi.
Ai këtë e ka bërë të ditur përmes profilit të tij në Facebook, ku ka theksuar se se ai do t’i rikthehet profesionit të shitësit, ku të premten në mbrëmje do të shërbej me kënaqësi çaj e kafe, do të shes kartoline, si mënyrë për të mbledhur sipas tij, fonde për fëmijët me aftësi të kufizuara.
Postimi i plotë i deputetit Uka:
Të dashtun,
Mbështetjen për fëmijët me aftësi të kufizuara e kemi obligim, por është edhe kënaqësi e veçantë. Unë kam vendosur, që përpos konstributit modest profesional, sonte të kaloj mbrëmjen në tendat e Down Syndrome Kosova (DSK) dhe Autizmi Flet.
I rikthehem profesionit të shitësit dhe do të shërbej me kënaqësi çaj e kafe, do të shes kartolina, për të mbledhur fonde për fëmijët me aftësi të kufizuara.
Po ju lutem, që kafen apo çajin e sontëm, ta shijoni më shumë edhe duke ndihmuar fëmijët me sindomin Down apo fëmijët me Autizëm.
Për familjarët e miqtë, që iu kam premtuar kafe, sonte e keni mundësinë ideale (paguaj dhe shërbej unë :)).
Ju mirëpres nga ora 17:00 e tutje.
P.S. Tendat e DSK dhe Autizmi Flet jane ne Sheshin Zahir Pajazifi, afer Hotelit “Grand”./InLajmi
