Parkut të tri autoambulancave ekzistuese, sa kanë funksionuar gjatë këtyre viteve të fundit, shërbimit të Urgjencës në Prizren, sot iu shtuan edhe tri autoambulanca të reja, me të cilat edhe më shumē do të ngritet efikasiteti i këtij shërbimi, raporton InLajmi.
Përurimin e këtyre autoambulancave të reja e bëri z. Mutaher Haskuka, kryetar i Prizrenit. “Shërbimi Urgjent i Komunës së Prizrenit tashmë do të jetë shumë më efikas në punën e tij me këto autoambulancat e reja. Deri më tani kemi pasur vështirësi të shumta, ngase në gjithë territorin e komunĕs së dytë në Kosove, për nga numri i banorëve, kanë funksionuar vetëm tri autoambulanca, ku që të trijat janë me defekte të ndryshme dhe të vjetëruara”, – tha z. Haskuka.
Këto autoambulancat e reja, janë blerë nga mjetet vetanake të Drejtorisë komunale të shëndetësisë. Sipas z. Visar Shehu, drejtor i jësaj Drejtorie, këtij parku të automjeteve në shërbimin e Urgjencës në vitet 2020/2021, do t’i shtohen edhe dy autoambulanca moderne, të paisura me mjete më të sotifiskuara të emergjencës. Nga z. Shehu, mësuam se krahas menjanimit të defekteve tē autoambulancave ekzistuese, në mënyrë që shërbimi i Urgjencës t’i ketë në dispozicion që të gjitha autoambulancat në çdo kohë, këto ditë do të fillojnë punēt edhe në ndërtimin e garazhave të reja për këto autoambulanca. Osman Goranci/ InLajmi/
