Kanë kaluar gati një vit e gjysmë që kur mbaroi mbështetja për Windows Phone 8.1.
Sigurisht, kur mbështetja mbaron, pajisja ende funksionon, megjithëse shërbimet fillojnë të mbyllen.
Një nga ato shërbime është Windows Store. Siç njoftoi Microsoft në Tetor, Dyqani për Windows Phone 8.1 po mbyllet sot dhe nuk mund të shkarkoni më aplikacione.
Aplikacionet që keni do të vazhdojnë të punojnë, por nëse bëni një formatim në telefonin tuaj, nuk do të jeni në gjendje t’i riktheni ato.
Mënyra e vetme për të vazhduar marrjen e aplikacioneve në telefonin tuaj është ta përditësonii atë në Windows 10 Mobile.
Sigurisht, Windows 10 Mobile nuk mbështetet po ashtu, por të paktën do të keni më shumë shërbime pune, transmeton Telegrafi.
Shumica e telefonave që janë të azhurnueshëm do të jenë në gjendje të arrijnë deri në përditësimin Mobile 10 Anniversary të Windows 10 (versioni 1607), me përjashtim të Microsoft Lumia 640 dhe 640 XL.
