Nga mesnata deri mëngjesin e të dielës Instituti i Gjeoshkencave, Energjisë, Ujit dhe Mjedisit ka regjistruar nëntë lëkundje sizmike.
Më e forta ishte rreth orës 2 me magnitudë 4 të shkallës Rihter, thellësi 46 kilometra dhe me epiqendër pranë Hamallajt në Durrës.
Sizmologu Llambro Duni shpjegon se pse stacione të ndryshme kanë raportuar vlera të ndryshme për te njëjtën lekundje, ndërsa apelon për t’ju referuar Gjeoshkencave.
“Epiqendra është të afërsi të Hamallajt, ne e kemi raportuar me magnitudë lokale 4. Ajo që ne bëjnë gjithmonë është magnituda lokale. Ka disa lloje magnitudash, ka magnitudë lokale që i referohet Rihterit, ka magnitudë të momentit dhe ka edhe një magnitudë tjetër sipas valëve vëllimore. 4.5 që është raportuar, i referohet magnitudës sipas valës vëllimore. Kjo është tjetër gjë, janë njësi të ndryshme që shprehin energjinë, por shifrat tregojnë të njëjtën madhësi energjie”, thotë ai.
Lekundje të tilla konsiderohen normale nga sizmologët të cilet thonë se disa prej tyre do të vijojnë të ndjehen deri në qetësimin e pllakave tektonike.
“Absolutisht nuk ka vend për panik, është në logjikën e kësaj dukurie. Kemi përjetuar një tërmet shumë të fuqishëm të madhësisë 6.3 sipas magnitudës lokale, 6.4 sipas magnitudës së momentit dhe të gjitha pasgoditjet do të vinë gradualisht duke u shuar. Kjo mund të zgjasë edhe disa muaj dhe është krej normale”, thekso Duni, shkruan Abc News.
Sa i perket zhvendosjes së epiqendrës sizomogu Duni shpjegon se kemi të bejmë me një thyerje tektonike me siperfaqe të konsiderueshme në koren e tokës dhe pasgoditjet lëvizin përgjate saj deri në relaksim të plotë.
