Ambasadorja e Franceze në Kosovë, Marie-Chrisitne Butel, ka thënë se shteti i tyre vlerëson se Kosova nuk i ka përmbushur plotësisht kushtet për liberalizim të vizave, veçanërisht kundër krimit të organizuar dhe pa u forcuar shteti i së drejtës.
“Franca vlerëson, krahas shteteve të tjera anëtare, se disa nga këto kushte nuk janë përmbushur plotësisht nga Kosova; mbetet veçanërisht e vëmendshme ndaj zhvillimeve sa i përket shtetit të së drejtës dhe luftës kundër aktiviteteve të krimit të organizuar. Përparime të rëndësishme janë bërë në këtë fushë. Sidoqoftë, zbatimi i vazhdueshëm i reformave nga autoritetet kosovare është thelbësore në mënyrë që ligjet e miratuara për forcimin e sundimit të ligjit dhe drejtësisë, në veçanti, të mund të zbatohen në mënyrë të qëndrueshme dhe të pakthyeshme”, ka thënë ambasadorja franceze në Gazeta Express, transmeton InLajmi.
