Presidenti i Shqipërisë, Ilir Meta, është duke qëndruar në Kosovë.
Ai pas dekoratave dhe mirënjohjeve që ndau në kazermën “Adem Jashari”, për ushtarët e FSK-së, Policinë e Kosovës dhe njësitet e tjera që ndihmuan popullin shqiptar pas tërmetit që goditi Shqipërinë, presidenti ka vazhduar drejt qytetit të Gjilanit.
Meta vizitoi familjen Abazi në Livoç, e cila nga tragjedia që goditi Shqipërinë, humbi dy vëllezërit, Isanë dhe Shemsedinin.
Presidenti ishte i shoqëruar nga kryeministri në detyrë, Ramush Haradinaj, ambasadori i Kosovës në Shqipëri, Nait Hasani, kryetari i Komunës së Gjilanit, Lutfi Haziri e personalitete të tjera.
Në këtë rast Meta shprehi ngushëllimet për të ndarë dhimbjen me familjen Abazi.
Ai shprehet thellësisht i prekur nga humbja e jetës së vëllezërve Shemsedin dhe Isa Abazi nga tërmeti që goditi Shqipërinë në 26 nëntor.
Sot në Gjilan për t'u shprehur ngushëllimet dhe për të ndarë dhimbjen me familjen Abazi.Thellësisht i prekur nga humbja…
Posted by Ilir Meta on Wednesday, December 4, 2019