Presidenti i Shqipërisë, Ilir Meta, një javë pas tërmetit shkatërrues që goditi Shqipërinë, ka falënderuar pjesëtarët e FSK-së, Policisë e ekipe të tjera nga Kosova që ndihmuan Shqipërinë gjatë kësaj kohe.
Meta u ka ndarë dekoratë njësiteve të kërkim-shpëtimit të FSK-së, Policisë së Kosovës, ekipit të zjarrfikësve, ekipit të ekspertëve të Minierës së Trepçës.
Meta tha se FSK-ja e Policia e Kosovës kanë qenë heronjtë të shpëtimit në ditët kur Shqipëria kishte përjetuar tragjedi si pasojë e tërmetit.
“Kosova duhet të jetë krenare për FSK-në dhe Policinë e saj. Çdokush do të ishte krenar për atë që keni bërë te ne. Me qëllimin e vetëm për të shpëtuar jetë njerëzish. Ju shpëtuar shumë jetë, ndihmuat shumë banorë. Na u gjetët pranë në kohërat më të vështira. Iu shprehim mirënjohjen më të thellë për këtë solidaritet shembullor. Me këtë ndihmë ju na dhatë forcë edhe ne të gjithëve. Unë shpreh mirënjohje për gjithë popullin e Kosovës”, ka thënë presidenti i Shqipërisë, Ilir Meta./InLajmi
https://www.facebook.com/ilirmetazyrtar/videos/789374118172994/
