Valbona Sako sot ka paraqitur dorëheqjen e saj nga detyra e kryetares së Bashkisë së Durrësit.
Këshilli Bashkiak e ka caktuar Zhyljen Varfaj për pozitën e lartcekur dhe për këtë gjë ka reaguar Partia Demokratike, transmeton Klan Kosova.
“Durrësi i rikthehet Dakos. Me vendimin e sotëm të këshillit bashkiak, njeriu më i afërt i Vangjush Dakos, Zhyljen Varfi apo njeriu i tenderëve korruptiv që akoma s’janë mbyllur në prokurori, merr në dorë drejtimin e Bashkisë. Dorëheqjet e njëpasnjëshme të Sakos, dhe nënkryetares Kondi, në të vërtetë tregojnë shkërmoqjen e Edi Ramës, arkitektit të rrënimit të Durrësit”, shkruhet në një postim në Facebook.
Më tej shtohet:
“Sot kemi anarki totale në administrimin e qytetit se për vite të tëra nuk i është shërbyer interesave të qytetarëve, por vetëm të grupeve kriminale. Kjo është arsye që sot askush nuk është në gjendje të shërbejë dhe jemi në kushtet e çorganizimit ku kudo qytetarët, në të gjitha lagjet e qytetit, na thonë se askush nuk i ka kontaktuar.”
Sako dha dorëheqjen pas një deklarate që dha mbrëmë në një lidhje direkte, ku shprehej se duhet të jemi të kënaqur me 50 viktima, pasi mund të ishim me mijëra.