Mund të konsumohet si lëng apo të aplikohet si kompresë
Rrika e egër (Nasturtium officinale) ka qenë shumë shpesh bimë e harruar për të cilën ekspertët besojnë që është më e shëndetshmja në botë.
Fjala është për perime, e cila përmban vitamina të shumta esenciale dhe minerale. Nëse është për t’u besuar hulumtimeve, kjo bimë përmban hekur më shumë sesa spinaqi dhe më shumë vitaminë C se çdo agrum.
Pos këtyre materieve ushqyese, kjo perime ka edhe cilësi të shumta shëruese.
Në të vërtetë, sipas një studimi të paradokohshëm, është vërtetuar që rrika e egër ndërpret dhe zvogëlon stresin oksidues, por gjithashtu edhe pastron gjakun, shton apetitin dhe pastron trupin nga toksina.
Shumica e njerëzve e pinë lëngun e kësaj bime shumë shpesh, ndërsa rekomandohet edhe pirja e këtij lëngu të tëholluar me ujë në përpjesëtim 1:5.
Doza e rekomanduar është një gotë në çdo disa ditë, jo më shumë, sepse mund të shkaktohen efekte anësore.
Lëngu i rrikës së egër mund të aplikohet edhe lokalisht (nga jashtë) për shërimin e cilësdo gjendjeje të lëkurës dhe të flokëve.
Vetëm fërkoni lëngun në zonat e përfshira apo përdorni lëngun në formë komprese dhe përfundimisht mund të zgjidhni problemin me humbjen e flokëve dhe shumë probleme të lëkurës.
Për kompresë nga lakërishta thyeni disa fletë të kësaj bime dhe përzieni me alkool, pastaj qiteni tretjen në zonat e sulmuara dhe mbështillni me fashë. Lëreni kompresën disa orë, pastaj hiqeni dhe lani zonat me ujë të ftohtë, transmeton telegrafi.
Gjithashtu, lëngu i lakërishtës mund të ndihmojë që të ndërpresë rritjen e tumorit dhe metastazën, ndërsa disa ekspertë theksojnë që ka forcë të pengojë probleme të shumta kardiovaskulare dhe të ndërpresë përhapjen e kancerit të gjirit.
