Dy policë dhe një zjarrfikës janë arrestuar pasi morën ndihmat e dhuruara për banorët e prekur nga tërmeti.
Arrestimi i tyre u krye nga Shërbimi për Çështjet e Brendshme dhe Ankesat pas publikimit të videos në media, ku dukeshin policët dhe zjarrfikësit duke përvetësuar këto ndihma.
Në pranga ranë polici me iniciale A.Z. shef seksioni në Komisariatin e Rinasit, E.H. komandant skuadre në Komisariatin e Rinasit dhe zjarrfikësi A.T. Të tre akuzohen për mashtrim dhe shpërdorim detyre.
Ata ishin filmuar duke transportuar dhe përvetësuar të një sasie të konsiderueshme pakosh ushqimore të destinuara për banorët e prekur nga situata e tërmetit, transmeton TV Klan.al
Materialet hetimore proceduriale do t’i dërgohen Prokurorisë Tiranë për hetime të mëtejshme.
Turp!Tirane/ Nje punonjes policie eshte pare qe ka mbushur makinen e sherbinit me ndihma te cilat nuk dihet nga ku i ka marre dhe po i dergon ne shtepine e vet. Targat e makines MB 391 AA
Posted by STOP – TV KLAN on Thursday, November 28, 2019