Policia e Kosovës ka njoftuar se sot rreth orës 10:40 në vendin e quajtur ‘Kratine’ në Leposaviq ka ndodhur një grabitje e armatosur.
Cak i kësaj grabitje kanë qenë veturat që transportojnë para.
“Pas marrjes së informacionit, policia në ora 10:45 ka aktivizuar operacionin për raste të tilla. Në vendin e ngjarjes patrulla ka gjetur tri vetura duke u djegur. Për rastin është kërkuar edhe asistenca e njësisë së zjarrfikësve”, ka thënë Bajram Krasniqi nga PK.
Gjithashtu është bërë e ditur se në rast janë lënduar tre persona të cilat janë dërguar për trajtim mjekësor në Mitrovicë, shkruan Indeksonline.
“Sulmuesit-grabitësit janë larguar dhe njësitë policore janë në kërkim të tyre, poashtu njësite relevante policore janë duke ekzaminuar vendin e ngjarjes”, shtoi ai.