Presidenti Meta nga Durrësi: Falenderoj popullin e Kosovës për solidarizimin e jashtëzakonshëm
“Falënderoj popullin e Kosovës për solidaritetin e jashtëzakonshëm në këtë kohë të vështirë.
Rreziku është i tmerrshëm, puna që po bëhet është e madhe dhe kemi një sukses të pabesueshëm të operacioneve të shpëtimit.
Kanë ardhur ekipe shpëtimi nga Kosova, Italia, Greqia e shumë vende tjera të cilët na kanë ndihmuar shumë dhe i falenderojmë me shumë mirënjohje.
Duhet të punohet gjithë natën për t’i shpëtuar të mbijetuarit.
Do të duhet të bëhet një punë e gjatë për të rikuperuar dëmet e mëdha materiale”, tha Meta për televizionin T7 të Kosovës.
