Ministrja e Arsimit në Shqipëri, Besa Shahini përmes një postimi në Facebook ka njoftuar se nga tronditja e tërmetit është vendosur që të pezullohet mësimi në të gjitha shkollat, kopshtet dhe cerdhet e vendit edhe ditën e nesërme.
Ajo ka thënë se kjo do të ndodhë në mënyrë që familjet të qëndrojnë së bashku dhe ta përballojnë situatën duke u solidarizuar me ata që u prekën më së shumti nga kjo tragjedi.
“Bëj me dije se ekipet tona po vijojnë ndërkohë me evidentimin e dëmeve materiale dhe hartimin e planit të masave për shkollat e dëmtuara.
Gjej rastin të përcjell ngushëllimet më të sinqerta ndaj të gjitha familjeve që kanë humbur njerëzit e tyre të dashur, si dhe t’i uroj shërim sa më të shpejtë të gjithë të lënduarve!”, ka shkruar Ministrja Shahini./InLajmi/
