Sipas një studimi nga Strategy Analytics, Apple, pritet të bëhet ofruesi kryesor i telefonave inteligjentë vitin e ardhshëm.
Samsung, LG , Motorola dhe OnePlus, të gjithë ata kanë lansuar tashmë telefonat inteligjentë që mbështesin standardin e ardhshëm celular 5G.
Apple është ende duke pritur, por do të marrë përsipër pozicionin e udhëheqjes në 5G, sipas një studimi të botuar së fundmi nga Strategy Analytics, transmeton Telegrafi.
Analistë të tjerë, gjithashtu besojnë se gjenerata tjetër e iPhonet do t’i japë Applet përsëri impuls.
Ata presin që 200 milionë iPhone të shiten në vitin e ardhshëm dhe tregjet kryesore pritet të jenë SHBA-ja dhe Kina.
Aktualisht, Samsung është ende përpara me pajisjet 5G.
Sidoqoftë, të dy tregjet më të mëdha të 5G, Kina dhe SHBA-ja, do të mbizotërohen nga Huawei dhe Apple, tha Ville-Petteri Ukonaho i Strategy Analytics.
Këto dy kompani, gjithashtu do të merrnin drejtimin në 5G vitin e ardhshëm, transmeton Indeksonline.
Potenciali i Huaweit për shitje të smartphone në 5G jashtë Kinës është i kufizuar nga mosmarrëveshja tregtare me SHBA-në, kjo është arsyeja pse Apple duhet të mbizotërojë në një afat të shkurtër.
