Kryeministri në detyrë Ramush Haradinaj ka marr pjesë sot në ceremoninë e ndërrimit të komandës së KFOR-it.
Pas këtij takimi Haradinaj tha se Kosova është e përkushtuar në rrugëtimin e saj drejtë drejt anëtarësimit në NATO dhe e fokusuar për paqe dhe siguri në vend dhe rajon.
Ndër të tjerash tha se “Roli i KFOR-it është i jashtëzakonshëm”.
Postimi i tij i plotë:
“Kosova është konsoliduar si shtet dhe ka fuqizuar mekanizmat e saj të sigurisë, falë rolit të NATO-s, duke u bërë sot një vend demokratik, i përkushtuar për paqe dhe partneritet me aleatët tanë. Sot, në ceremoninë e ndërrimit të komandës së KFOR-it, falënderova Gjeneral D’Addario për angazhimin profesional dhe miqësor gjatë shërbimit të tij dhe i urova mirëseardhje Gjeneralit Risi, me urimet më të mira për sukses në detyrën e re. Kosova është e përkushtuar në rrugëtimin e saj drejt anëtarësimit në NATO dhe e fokusuar për paqe dhe siguri në vend dhe rajon dhe në këtë synim, roli i KFOR-it është i jashtëzakonshëm”, shkruan Haradinaj. /InLajmi