Ali Berisha, pjesë e legjislaturës së re të Kuvendit të Kosovës nga radhët e Aleancës për Ardhmërinë e Kosovës përmes një postimi në rrjetin social ka thënë se “Përderisa Kosova nuk njihet nga Serbia, është i pakuptimtë Shengeni Balkanit, duke pas parasysh faktin se në këtë proces skandaloz nuk janë përfshirë Sllovenia dhe Kroacia”.
Postimi i tij i plotë:
“Përderisa Kosova nuk njihet nga Serbia, është i pakuptimtë shengeni Ballkanik, duke pasur parasysh faktin se po ashtu në këtë proces skandaloz nuk janë përfshirë Sllovenia dhe Kroacia.
Orientimi ynë drejt BE-së dhe NATO-s, duhet te jetë i pa lëkundur.
Serbia po armatoset me tekniken më të rëndë luftarake nga Rusia.
T’i mbyllësh sytë para kësaj situate është krejt e pa logjikshme dhe shumë e rrezikshme në këto rrethana.
Publikimi i hartës, ku Kosova është brenda hartës së Serbisë dhe heshtja e Ministrisë së Jashtme të Shqipërisë nuk do koment.
Çdo lëvizje që e cenon sovranitetin dhe integritetin territorial të Republikës së Kosovës duhet të jetë i pa pranueshëm si për Shqipërinë po ashtu edhe për të gjithë ata që e kanë njohur Kosovën shtet të pavarur”, ka shkruar Berisha. /InLajmi
