Paneli Zgjedhor për Ankesa dhe Parashtresa ka marrë vendimin përfundimtar lidhur me ankesat e subjekteve politike dhe kandidatëve për deputet pas shpalljes së rezultateve përfundimtare të zgjedhjeve të 6 tetorit 2019.
Në njoftimin e bërë nga PZAP për media në llogarinë në Facebook thuhet se PZAP-i ka vendosur që të urdhëroj KQZ-në, për rinumërimin e 1472 vendvotimeve.
“PZAP-i 53 ankesa i ka pranuar të bazuara prej tyre lidhur me 52 ankesa paneli ka vendosur që të urdhëroj KQZ-në, për rinumërimin e 1472 vendvotimeve. Ndërsa lidhur me ankesën e parashtruar nga Koalicioni Nisma – AKR – PD, ka vendosur që të pranoj të bazuar ankesën dhe ka urdhëruar KQZ-në, që të largoj nga rezultati përfundimtar i zgjedhjeve votat e votuesve jashtë Kosovës të ardhura nga Serbia”, thuhet në njoftim.
PZAP ka bërë të ditur se 23 ankesa janë hedhur te pasafatshme dhe të palejuara, 25 ankesa janë refuzuar të pabazuara, 1 ankesë konstatohet e tërhequr./InLajmi
Vendimmarrja e PZAP-it, lidhur me ankesat e subjekteve politike dhe kandidateve për deputet pas shpalljes së rezultateve…
Posted by Paneli Zgjedhor per Ankesa dhe Parashtresa on Monday, 11 November 2019