Policia e Kosovës ka nisur hetimet ndaj një të miture, e cila shkoi në QKUK shtatzënë.
E mitura e cila është 15 vjeç është nga fshati Mirenë e Lipjanit.
Policia, thotë se ka intervistuar familjarët e të dy palëve, të miturës e burrit të saj.
“Njësitet Policore kanë shkuar në QKUK dhe kanë intervistuar të miturën e cila ka deklaruar se është e martuar me dëshirë”, thuhet në raport.
Lidhur me këtë janë intervistuar edhe prindërit e dy familjeve të cilët kanë deklaruar se martesa është bërë me dëshirë të dy palëve edhe me ceremoni martesore, transmeton gazeta Blic.
“Me vendim të prokurorit rasti shkon në procedurë të rregullt”, përfundon raporti.