Ambasadori i Kosovës në Gjermani, Beqë Cufaj, sot ka kujtuar 30 vjetorin e rënies së Murit të Berlinit duke thënë se Perdja e Hekurt e komunizmit u rrënua përfundimisht në këtë datë.
Ai përmes një postimi në rrjetin social Facebook uroi kombin gjerman për këtë ditë historike.
“Sot mbushen 30 Vjet nga Rënia e Murit të Berlinit. Gjermania u Bashkua dhe Perdja e hekurt e komunizmit u rrënua përfundimisht. Bota e lirë atëbotë dhe sot ka arsye të festojë sepse asnjë tirani, asnjë ndarje, nuk mundet ta mposhtë vullnetin e kombeve për liri dhe bashkim! Edhe me 9 Nëntor të vitit 1989 por edhe me 12 Qershor të vitit 1999! Urime Gjermanisë, Kombit gjerman dhe krejt botës së lire”, shkroi ai. /InLajmi
