Ish- zëvendësministri i PDK-së Gani Koci, përmes një postimi në Facebook ka përdorur gjuhë fyese kundër Vjosa Osmanit, të cilën e quan “bukësimite”.
Vjosa Osmani e cila ishe mysafire në emisionin Pressing, është pyetur për befasinë më të madhe të këtyre zgjedhjeve, e për këtë ajo ka deklaruar se ishte befasuar për votat e larta të PDK-së, pasi që ajo kishte pritur një numër më të vogël të votave për këtë subjekt. E siç duket kjo deklaratë e ka penguar Gani Kocin, i cili ka përdorur gjuhë fyese ndaj saj.
“Një befasi tjetër ka qenë votat e PDK-së, unë kam pritur që kanë më qenë shumë më poshtë PDK-ja”, ka thënë Osmani.
Ndërsa, Koci i është kundërpërgjigjur, duke thënë se sipas tij Vjosa Osmani vazhdon të ketë inat ndaj Partisë Demokratike të Kosovës.
“Kjo bukësimitja e LDK-së, akoma me inatë ekstrem ndaj PDK-së!
Tepër infantile për të qenë pjesë e politikës”./InLajmi