Kryetari i Mitrovicës Agim Bahtiri ka komentuar disa zhvillime nga e kaluara dhe problemet e tij me AKR-në.
Bahtiri, ka thënë se ai është tradhtuar nga AKR.
Ai ka thënë se derisa ka qenë nënkryetar i AKR-së nuk është pyetur kur është lidhur koalicioni me PAN-in.
“Për koalicionin me PAN-in kam marrë vesh në ora 16:00. Unë kam qenë negociatorë për të lidhur koalicion me Vetëvendosjen. Ndjehem i thyer që janë bërë negociata jashtë vendit për të lidhur koalicion me PAN-in”.
Bahtiri thotë se nuk ka dashur të rikandidojë për kryetar të Mitrovicës por thotë se e ka bërë këtë për hir të dikujt tjetër pa dashur të përmend emra.
Kryetari i Mitrovicës thotë se në momentin kur nuk do të jetë në këtë post do të shkojë në Holandë.
Bahtiri ka thënë se fitorja e Lëvizjes Vetëvendosje në këto zgjedhje do të mbahet në mend për 50 vite.
“Të largohen shtyllat kryesore të partisë. Të largohen 12 deputetë. Të largohet kryetari i kryeqytetit. Të rikuperosh këto largime dhe të fitosh 220 mijë vota, është historike” ka thënë Bahtiri në “Debat Plus” me Ermal Pandurin në RTV Dukagjini,
Bahtiri ka thënë se ka pritur që LDK do të merr më pak vota se që ka fituar në këto zgjedhje.
“Është arritja më e madhe e LDK-së prej vdekjes së Rugovës e këndej”, tha ndër të tjera Agim Bahtiri
