Deri në vitin 2050 parashihet të bëhen 9,4 miliardë banorë në botë, me një rritje të popullsisë prej 21% prej vitit 2020. Në vitin 2020, bota parashihet t’i ketë 7,8 miliardë banorë.
Por, habit fakti se prej vitit 2050 e deri në vitin 2100 nuk pritet të ketë rritje të banorëve, e kundërta, pritet të ketë një rënie të lehtë prej 1%. Nga 9,4 miliardë më 2050 pritet të jenë 9,3 në vitin 2100
Po ashtu, pritet që jetëgjatësia mesatare të rritet për hiç më pak se 14 vjet, nga 72 sa është aktualisht në 86. Pra, 100 vjeçarët do të jenë shumë më të shpeshtë se në ditët e sotme dhe nuk do të përbëjnë çudi për pasardhësit tonë, ose edhe ne nëse kemi fatin të jetojmë gjatë.
Në vitin 2100, pritet që mbi 48 milionë banorë në botë të jenë mbi moshën 100 vjeçare, për dallim nga sot që janë vetëm rreth gjysmë milioni.
Grupmosha me numrin më të madh të banorëve në atë vit pritet të jetë ajo e moshës 55 deri në 59 vjeçare, përcjell Periskopi.
Aktualisht, bota i ka vetëm 16 për qind të popullsisë globale me edukim të lartë. Kjo shifër pritet të shkojë deri në 44 për qind në vitin 2011. Ndërkohë, pjesa e njerëzve që nuk do të ketë fare edukim do të jetë thuajse në zhdukje, me vetëm 1% në total.
