Kryetari i Mitrovicës, Agim Bahtiri, i shoqëruar nga nënkryetari, Faruk Mujka, dhe drejtorët komunalë, sot kanë bërë homazhe tek Kazerma e FSK-së “Minatori”, në shenjë nderimi me rastin e vdekjes së nënkolonelit Baki Ejupi, i cili dje ka ndërruar jetë nga një sulm kardiak.
Në kazermën e FSK-së “Minatori”, homazhet janë bërë me nderime të larta ushtarake, në praninë e një numri të madh të përfaqësuesve institucional, qytetarë të shumtë, si dhe miq e familjarë.
Me këtë rast kreu i Mitrovicës, Agim Bahtiri, ka shprehur ngushëllimet e tij më të sinqerta, për familjarët dhe bashkë ushtarakët e nënkolonelit Ejupi, duke vlerësuar atë si shembull i një ushtaraku të zellshëm dhe me plot motiv për punë.
Në fund të homazheve, Bahtiri së bashku me bashkëpunëtorët e tij, kanë vendosur edhe kurora me lule, për të përkujtuar figurën e lartë të nënkolonelit, për përkushtimin dhe profesionalizimin e treguar si ushtar lirie, transmeton Indeksonline.
Varrimi i Baki Ejupit do të bëhet sot në orën 15:00 në fshatin Sekiraqë të Komunës së Podujevës.
